KA PIANG THAK TA KA MINAM A DING

——————————————————-

Breaking news

(Zomi State sungahthautawi khempeuh Zogam Charter ah kipumkhat kisam ding)

Zogam sungah a beisa kum lii lai hunin Zomi Revolutionary Army Eastern Command ZRAEC dingin mipi kikai khawm mahleh mi pawl khatin minam galkap taktak thupi ahihna kitel cian khin lo ahih manin ZPCC/ZRAEC in tua ahihleh cihna hangin kuamah ki zawh loh in ki lut sak lo ahihi. Burma khua’ hun hong kikhel ciangin Zomi State sungah singnuai mi thautawi hong tam luat ciangin minam leh gamin galkap taktak in i diin kipna leh minam khat hihna tawh kipumkhatna kisam ahihna hangin Eastern Command EC phualpi lamah minam ading kipiakna thupi hi ci-in kitelna ngah piangthak minam nasem dingin ki tun tuah ziahziah cih thu kiza hi.

Zogam Charter in Zomite ki makaihna hong lamlak ding Zogam Thu Taangko hong kipat ciangin nam dangte in hong do pah uhhi. NLD leh SAC ukna hong kituh ciangin mipi kem ding galkap hong kipan in PDF cih pen mun tuamtuam ah ki om mah leh mipi khualna hong om loin gam sungah kisiatna hong khang semsem ahihna hangin PDF a kipan NUG zong bei cih liang sangin kiam mahmah cih thu BBC in gen khia hi. Kum 2021 a kipan ZPCC/ZRAEC in mipi leh khua leh tuii kisiatna tawh gam suah tak nading lampi pai masa loin Zogam Charter hong zuih manin mipi galkap leh minam makai te makaihna tu’n hong thupi semsem suak ci hi.

Khua’pi tuamtuam vut leh vai suak khin ta a, bang hang Burma (Myanmar) kikhel zo lo hiam cih pen tu’ ni a Zomi sung leh midang te lakah thu ging khia khat ahi hi. Hih zahin khuapi tampi kisia in Burma in mipi deihna taktak piang ding hileh Democracy suah hunta ci uhhi. Zomi State officials hong ki cih sak pah zenzen loh hangin Zogam Charter in maban saupi adingin lampi hong sial khin a, laam maan tawn siam leng Zomite thuneihna Zogam hong suak semsem ding hita hi. Thukhun leh tupna kician lampi ki zuih siam loh manin Zomite minam veitawh, minam kivei sak mahmah cih bangin kek leen gawp uh ahihna kimu hi.

Zogam khua’ tuamtuam panin Zomi National Volunteers ZNV Corps kipai ziahziah a, Zomi khuapi Cikha ah khangno tam mahmah ta hi. CNA leh a pawl te in thaumuk tawh hong kaih khiat ma in mipi ading khua leh tui kem nading siamsin na lamah nawh tai mahmah ding kisam hi. Zomi thautawi singnuai mite ahih leh CNA leh CC/CB khutnuai panin zingvai hawm ta ding hi, thukimna om bangin amau thuneihna om ngeilo ding ahih manin Tedim zong CC/CB in hong kap zaan sak mai thei ding uhhi. PDF kicii Zomite’n hipen dal zo lo uh ahih manin maban amau ading Zogam Charter hong ciah baih ding mipi-in thupi sa hi.

ZPCC/ZRAEC sangin PDF kicii Zomi khegkhat in Tedim kaap zaan ding pen a taktak in a phal masa hi peuh mah lo hi. Kum 2021 kipat lamin Tedim kap ding cih thulu siksan in fund zong zelin mi pawl khat in um mahmah uh a, hih hun lai pen mawh sak theih om peuh mah lo uhhi. Kum nga hong pai to khin petmah ahih manin ZPCC/ZRAEC HQ Tedim khuapi kap taktak ding kipat ciil lai-in PDF te lawp mahmah a, minam makai leh galkap ZPCC/EC ki awi’ peuh mah lo hi. Tu’ hun ciangin Zogam Charter ah kipumkhat zawh pah nai loh hangin PDF kicii Zomi pawl khat in Tedim kaap ding pen kizo nawn peuh mah loin dal theih tawpin a dal zia ding han ciam hi. CC/CB tawh Alliance khat ahihna hangin thukimna policy tuamtuam tawh Tedim pen CB bangin hong kap sawm teitei uhleh mipi leh ZPCC/EC hong gel ding deih mahmah hi.

Zomite’ khuapi Tedim leh Tonzaang cih te nam dang luah nading hi peuh mah loin kap zaan zongin Burma in Democracy ngah nading zong hi peuh mah lo ahih manin ZPCC/ZRAEC panpih mahmah ding kisam sa mahmah ta hi. Nam dang thautawi ten hong kap sawm leh PDF in adal zawh kei ding uhleh minam makai tetawh kiho in Zogam Charter bangin Action lak khop ding kisam ci hi. Thu ngaihsun thei peuh mahin khuapi zaan nading deih peuh mah loin kuamah galtai ding zong deih peuh mah lo uhhi. Mipi te haksatna hong khang lua ahih manin khangnote’n KA PIANG THAK TA” ci-in ZNV Corps siamsin pai ziahziah uh cih thu hoih kiza hi. Minam ading sepna mah thupi sa uh hi zaw a, tua loin gambup level ah nasep lel hangin Kawl mite in kumpi hong bawl huan ahih hial leh PDF maimai te ciangin zungphuk hak ding ci hi.

ZOGAM CHARTER IN ACTION

ZOMI POLITICAL COORDINATION COUNCIL ZPCC/ZRAEC

www.zbc.news

#Correspondent

#everyoneshare

#everyonelike