ZOMITE GAMVAI LEH MINAM VAI PANKHOPNA ZPCC
——————————————————————————-
(Thungahna ZBC News correspondent Zogam 6/27/2025)
Zomi Revolutionary Army Eastern Command ZRAEC.
CNA in mipi muhna-ah SAC deih lo cih pen lim gen mahmah uh a, ahi zongin SAC tawh mai tang kisutuah in kikap loh theihtheih nadingin SAC om Lohna lamah hong kuan uh a SAC tawh kipawl uh cih paulap zangin ZRAEC hong leh kap taktak ahihna thu thei ta un ci hi. Khalkha khuapi kambit ding uh a, khuapi dangte kangtum khin ding han ciam mahmah uh hi. Tua bang din mun a tun ciangin Chin State sung a teng pen Khalkha khuapi mah va delh kul teitei ding a hi hi. CNA na sepna thei loin SAC tawh thusim neihna thute a tel zolo khemna thuak tengin theih huai ta ci hi. Falam te zong ni dangin makai Pa No Than Kap in Falam a lakding deih peuh mah lo uh hi, tu’n ah zan vui phot ahih manin Khalkha cian ding deihna in a dang te lampi tuamtuam tawh kap zan masak dingin CNA in a gelna 60% bang Lawh ding ung cih kiza hi.
SAC in kitel kikna hong sap ciangin CNA lut ding kisa ta uh a, SAC tawh Zomi te kipawl hong sih pen SAC a kap tangin a hun paulap a bei nading akim apam tawh kikapna hong nei uh pen SAC tawh kipelh nading ahi hi. Thusim hong suah khia ban ah Falam te zong deih ta leh deih ta kei leh Khalkha ah tokai kik ding din mun tung ta uh hi.
Zogam Charter sgah thu khempeuh Federal Democracy Union khatin picing dinmun ZPCC tawh kalsuanna Zomi buppi gam leh minam hakkol kisuan a vaipuak lakna hangin Zogam sungah na sepna te muh theih zong omin thusim mipi theih dingin kilawm lo zong thusim tampi om ahih manin hih thu hangin a nuaiah bangin zakna leh ngahna kician mahmah ki nei cih thu kiza hi. Zogam Charter thumeilet tawh kal suanna in Zomite thukimna thu khempeuh siksan ahih manin mimal thu bangin na sepna ahih lohna kum2021 thu-in Zomite thu hong thei sak hi.
Zomi sungah mipi tel theih loh thu namnih om hi, Zomi sungah khat leh khat ki tel khialhna leh sandan gamvai political pen hih bang ah cih hilhna kician nei uh hi. Zogam Charter tawh kalsuan ZPCC pen mipi-in minam vai na sepna pen galkap tawh kikap tektek dingin ngaihsun uh hi. Zogam in tu Laitak a Myanmar kumpi ukkna gam sung a om, anuai akikhum Zomi te’ tenna akizom leitang mun leh mual teng khempeuh ahi hi. Ziogam in Myanmar gam sungah pupa luahsa gam teng; Nisuahna lamah Chindwin gunpi ciang, Nitumna lam ah India gamgi dung a Zosuante tenna gam leh leitang ciang, Leilu lam ah India gamgi dung a Zosuante tenna gam leh leitang ciang, Leitaw lam ah Falam gamgi dung a Zosuante tenna ga leh leitang ciang, Kabaw Valkley sung Leitaw lam ah Meitei gunpi dung ciang huam hi.
Zogam Charter zui-in kalsuanna in Myanmar gam sungah kum1948 suahtakna a kingahkhit a kipan in, Zogam leh Zomi-te in angah dingin akilawm, Federal Democracy dante zui a Belpawl Gamkee thuneihna bukim ngah theihna dingin hanciamna ahi hi. Zomi Political Coordination Committee ZPCC in Thutawh siksan leh deihna policy siksan in thutawh SAC ki do ahihi. Thu Nihna ah spring Revolution hangin hong kipan khia PDF te in ahih leh thautawi dingin galkap te tungah hehna leh thangpaihna tetawh kikap tuahna sih leh sih cihna bulphuh uh a, suah tak nading a hih nak leh Zogam sungah Zomi te neih leh lam, inn hoih lo hoih khempeuh vutlevai a suak zongin SAC pen kap ding do ding cih tawh suahtakna piang dingin ngaihsutna nei-in SAC do kipan khia uh hi.
Zogam sungah ZRA EC tungah na sep khop dingin kipawlna neih khopin Zogam sungah minam dang tampi om lo ahihna thu ki zom toto ta uhh hi. Zomi Revolutionary Army Eastern Command ZRAEC tawh ma pankhop dingin gam sung thautawi Groups min kigen nuam lo te khatin na sem khawm dingin thukimna Agreement suaikaihna neih cih thusim kiza khia hi. Zogam sungah hih Group te in Zogam Charter tawh kalsuanna thupi sa ahih manin Zomi Feferal taksuah theih nadingin lampi ki tawn ta cih thukiza hi.
CNA in Chin State sungah khuapi Khalkha sim loh vutlevai suak dingin a han ciamna Lawh ding mahmah kisa uh hi. CNA in SAC tawh thuguk a neih den mah bangin Khalkha khuapi pen kembit uh ahih manin mai lamah Khalkha khuapi pen Chin State a dingin khuapi cian hong suak ding uh a, SAC pen a kipawlpih tengtawh a min pua in hong do lel bek uh ahihna ki mu khia semsem uh hi. SAC a sih ding sangin Zogam sung leh Falam lam khawngah thautawi namte tawh ki do dingin han ciam zaw uh hi. SAC a thu tawh paulapin do bek uh a, amau paipih taktak pen minam thautawi te do dingin tha nem dingin CNA hat semsem ding cih han ciam mahmah uh hi.
Zomi State ading kalsuanna ah Federal Democracy in Pasian phalna tantan ah kikal suan zel ahih manin CNA in Zomi te minam makai te kalsuan na lampi a bei semsem na ding han ciam mahmah uhhi. CNA in SAC te do peuh mah lo, mipi theihna ah deih lo cih leh SAC tawh ki phelh nadingin ZRAEC pen kipawl hi cih ngian zangin hong leh kuan uh ahi hi. SAC do leh Khalkha pen kip peuh mah lo ding uh a, tua a kembit CNA tat dan pen SAC tawh kipelh dingin Zogam sungah minam thautawi te lakah hong leh sa kuat zang uh ahihna ki cian semsem ci uh hi.
ZBC NEWS 