MIPI LUNGDAM MAHMAH
———————————————
•Tonzang
•Salzang
•Gamngai
Hih khua mite sungah mipi nuam mahmah in lung muanna CNA phualsatna panin ZPCC/ZRAEC nasepna hangin daihna muanna omta ding cih kipak mahmah uh hi.

Salzang khuamite in CNA ukna deih ngiat lo ahih manin Zomi Revolutionary Army Eastern Command ZPCC/ZRAEC in Zogam Tonzang aluhna hangin lung muang tuamtuam mahmah cih thu kiza hi. Pa ZoMung in Zomi pih te zawhthawh thu tawh CNA muanna leh maipha ngahna in mipi te deih bangin abeisa hun sungah vauna leh tawnna nei den cih khangno khatin gen khia hi.

Salzang khua leh Gamngai khua mite in Zomi sungah kimuh khelhna dingin nam dang te pangbel in aom mi peuh Zogam sungpan hawl khia ta un cih Zogam galkap te tungah laipia cih Gamngai huasa thudotte khtin gen khia hi. Zogam sungah SAC paulapin hongkuan CNA khempeuh agamah hawlkhiatna hangin Zogam Tonzang leh Salzang Zomi sungah ki-itna khang mahmah cih kiza hi.

Zomi Political Coordination Committee ZPCC in Zogam Charter siksan in Zogam Myanmar politic ah nam dangte samgin Zomi Tualsuak Thuneihna kilam zawh na dingin Topa’n hong makaih cih thukiza hi. ZPCC/ZRAEC in Zogam Charter lenin kalsuanna panin nam dangten hong delna tawh Zomi sungah mipoi khat leh nih om thei ahih manin hih mite zong pilvangin hong gamtat kei uh leh lau huai din munah om kha thei ding ci hi.

ZBC news#Conrrespondent#Gamngai#Salzang#Tonzang