MONG NEI THEI DING HILO HI

(Zogam Charter ZPCC/ZRAEC)

Zomi leh Zogam movement maban lungtupna in mong nei thei ding hi lo hi. Zomi te’n Zomi gam hong buai sak nam tuamtuam leh thautawi tuamtuam te hangin lung hi mawh pah kei ni’ Malaysia Zomi Khawmpi thukimna leh maban khempeuh Zomi makai ZPCC leh EC in ma ciang hong zun in hong kal suan nate mipi-in ngaklah theih luat om lo hi.

Mihing te sepna tantan ah gamvai deihna te thakhat thu in ki lam dang thei pah dingin lam en kei ni’ Pasian in Zomi te sepna tantan ah hong kalsuan pih a, Zomi makai te lam et zawh loh zahin Pasian in zong nam tuamtuam ah ZPCC/ZRAEC hong madawk sak zel hi. Zogam Charter thumeilet leh Zomi te’ thukhun policy te namtang minam kipawlna tungah hilh cianna omin hong sang thei uh a, abeisa hun in thautawi CNA te peuh langpan leh gensiat na ciang lel tawh Zomi maban leh gamvai ki sem maimai hilo cih pen thu makai te khat in gen khia hi.

NUG in Zomi makai ZPCC tetawh kizop theih nading lunggulh cih thusim kiza hi, kum 2021 hunin NUG tungah Zomi Political Coordination Coucil ZPCC/EC policy hilh cian khin a, NUG pen tu’ ciangciang Kawl lungsim mah puakna leh Democracy kilam na ding taktak picing zolo ahihna mualtung mite makai ten gen khia hi. Zomi makai ten adiak in PRCF tawh thukim na bangin kum 2008 thukhun nuai ah kitelna lut maimai ding pen diksa lo uh ahih manin kuamah lut lo dingin PRCF in thukimna nei uh hi. Policy kician takin anei peuh mah policy tungah kipna leh dinkipna SAC ukna maiah kikhah suah sawm peuh mahlo ci hi.

Zomi Political Coordination Coucil ZPCC/ZRAEC in kum 2019 Zomi Khawmpi thukimna te mah bulletin Zogam Charter tawh kizui-in Zogam din mun vaipuak mawh puakna te a sepna tu’ ni tan Department sawmlehli sungah maban tampi kinawk suak thei cih thukiza hi. Zomite minam vai hong langpang leh hong buai sak nuam den abeisa in CNA in galkap tawh kipawl cih paulap in hong nawk gawp mah leh Zomi Revolutionary Army EAstern Command ZRAEC in Pasian hong ompihna tawh kitawm mahmah taleh galvai ah hih theih zahin kipang ahihna pen galte lampan thu kileh zak uh ahi hi. CNA galte lam panin thu kileh zak mah bangin Zomi gam sungah hong lut CNA in thuman lohna tawh asep manin a galkap te zong a tai khia tampi om a, Eastern Command ah hong ki-ap zong tampi omte thu hoih mah tawh kikhah khia lel uh ci hi.

Thuman lohna tawh Zomi gam sungah thautawi lelin ZPCC/ZRAEC kalsuanna Zogam Charter hong buai sak CNA in Zomi te mah khem theih pawl khut zatin hong neih manin Zogam hong nawk taktak pen Zomi veve CNA khemsa anvak CNA khut sungpan in suahtakna peuh a ngah sawm sumduh luat manin a minam te sihna ciangah hong tunpih Tonzang khuam leh mun pawl khat ah omte hun hong pai toto leh thu in thu mah tawh kivik kik hun a tun ciangin thupha mawh suak thei ding ahi uh ci hi. SAC kitelna paipih a amau lawh cin nading munte buaina om loin sem ding uh hi.

CNA pen amau metna leh deihna Khalkha gam kuam ading phattuamna a om nakleh SAC hita leh NUG hitaleh hamphatna a ngah theih na tantan kipawlna neih pih uh a, minam leh a nungta Pasian bia dingin zong a lungsim uh a lipkhap huai namte ahi uh hi. Kum 2021 kumpan in SAC ukna phawk thak in thautawi tuamtuam CNA khemsa teng Khuano, Hualngo leh Zou te hi tengin kum2 bel SAC apuk pah ding bangin hong kitom uh hi. Zogam hong nawkin buaina leh CNA khemsa hangin khelhna khua tuamtuam ah zong ni dangin Zomi kicii te uh himah leh tu’ 2021 zawh teh gambup SAC khathum sungin kikhel ding bangin nasem te uh ahi hi.

Zomi gam sungah adiak in minam makai leh nasem ZPCC/ZRAEC tawh maban tampi om ahih manin khua kimah zong pan lak ding kisam cih pen Zogam Vaihawmpawl te’ tung panin kiza beh ci hi. Zogam Charter leh Zomi Khawmpi thukimna maban in hong mazang semsem cih pen galte hong buai sak zawh loh thutuamtuam panin kimu thei ci hi. CNA in a pawlpih teng nusia lah taisan in SAC tawh thukimna hong neih ciangin Khalkha khuapi pen a nawk leh akap peuh amau kipawlin nang ding uh hi. CNA in ZPCC/ZRAEC in galkap tetung panin galvan tampi ngah acih a zuauthuphuah tenguh tu’ in amau tungah a taktak in amau ngah cih theih hita hi.

Zogam Myanmar gamvai ah ZPCC/ZRAEC in mawh puak aneih mah bangin thukhat peuhpeuh amau thulo tawh Zogam ah sep khuan om cih pen mipi theihsa uh ahi hi. Khua tuamtuam leh galkap sungah ahi a, galkap leh mipi buaina ahi zongin, pawi gal tawh kikapna ah hitaleh ZPCC/ZRAEC mawh puak ahihna leh mipi online panin a mawh sak nuam leh langpan tuamtuam ten a theih ding kisam ci uh hi. ZPCC/ZRAEC in mawh puak neilo hileh mi khengkhat in mawh sak thei omlo uh hi. Zogam Myanmar mawh puak minam vaiah thunei ahihna hangin khelhna leh galvai pen n amawh sak den uh pen ahi ding mah ahi hi.

Mipi a mawh sak peuh mahin na mawh sak na zahin na panpih ding kisam ahihna hong kitel un cih galkap ten gen hi. ZPCC/ ZRAEC kikapna om leh hong mawh sak, bang mah thu om kei leh amau te minam makai ding muan huai lo cih peuh mi khat leh nih te thugenna peuh tawh tuipi gal panin huihthau internet panin hong tam zat kei un cih pen galkap mangte khat in gen khia hi.

Zomi Revolutionary Army Eastern Command ZRAEC in haksa ta leh minam leh gam ading nuntakna khamin gamnuai ah Zomi te ading adin ngamin kithawi sa ahihna hangin mawhpuak anei uh ahi hi.

Zomi Political Coordinatipon Coucil ZPCC mipi mawh sakna zah mahin minam leh gam ading maban tawp loin Zogam Charter leh Zomi Khawmpi Malaysia Thukimna kum2019 thute zuih ding leh puah ding kisam te ahun zui-in a sepna ZVC te tung panin ki cian in kiza ci uh hi.

Zomi te lungkia loin minam leh gam ading a kitawp thei ding ahih lohna leh Zomi te deih a tung masiah Zomi maban te ki zawh masiah kisem suakssuak ding hita uh ci hi.

http://www.zb.news

Correspondent#Zogam#Myanmar