ZOMI REVOLUTIONARY ARMY EASTERN COMMAND ZRAEC

—————————————————————-

(ZPCC/ZRAEC abeisa hunte sangin kipumkhatna khauh zaw)

Breaking news

Zogam sungah Zomi mipi galkap te in abeisa hun khempeuh Tedim lampi Ciikha dongah ki pai sak theih ahih manin CNA khemsa Izaw Thang Suan Mung leh anau pang tengin amau deihna mun ciangciangah lampi khak in mipi tungah sum a ngen ahih manin lam khak CNA khemsa CDF -Tonzang Thang Suan Mung makaih thautawi naupang te ahihna mipi-in amau te’ tungah khasia mahmah uh hi.

ZPCC/ZRAEC in mipi gen theih ding leh haksatna a tuah loh theihtheih nadingin mipi leh khua leh tui khualna in ki dawm tak thautawi tr gam tat nading Zogam Charter siksan in ki sem tawntung uh ci hi. Tonzang kuam ah Thang Suan Mung CDF leh anaupang tengin benglo na sem te tungah ahih zongin abeisa mipi inn te zuak in aneihsa teng a thuneihna tawh alaksak gawpgawp thute zong tamipi om khin ta hi ci uh hi. ZRA Eastern Command in abeisa kum2021 pan a နွေဦးတော်လှန်ရေး in Zogam sungah siatna keh bang mah ngaihsun loin SAC tungah thangpaihna lungtang khempeuh bangmah theilo mipi leh inn lelo tungah siatna bawl khempeuh thu beilo ding kisul zuih kik ding cih genkhia uh hi.

Tonzang kuam ah Benglo ciinna hangin khaam ding hile sanggam Zo Izaw teng ading haksa mahmah ding cih thu Tonzang CDF khatin gen khia hi. Benglo nasem in a nei teng Tedim leh zanglamah Izaw te taisuk uh a, a cian lai teng Thang Suan Mung CDF thuak lahin gen theihna tawh nek tawm tawh buai mahmah zokual kiim ah mipi te tampi om uh ahi hi. ZPCC/ZRAEC hong mawh sak SAC tungah thangpaihna lungtang tawh နွေဦးတော်လှန်ရေး hun sungin thautawi tengin kumkhat ma in SAC zungphuk ding cih thu hu’hau in Zomi te mipi galkap hong gensia leh hong do kha tampi te’ theih dingin kumguk hong lut ding hita hi.

Chin State sungah Zomi Tualsuak Thuneihna Zogam Charter Malaysia Zomi Khawmpi 2019 Thukimna thu khempeuh Pasian tungah ki-ap khinsa Pasian maiah kiciamna a nei makai leh Pasian nasem khempeuh Zomibup leh gam ading hoih hi cihna thupha pia in kiciamna leh Pasian tungah thumanin apna pen Zomi ten kikal suanpih tawntung uh ahihna ZPCC palai khatin pulak khia hi. ZPCC/EC te hong leh gensia Thang Suan Mung CDF ten benglo nasepna lamah ZRAEC mawhsak hangin amau Izaw mipi te in tua sem kei leh kialpi tung uh ci hi. Abeisa hun in samsau thugengen PDF thapia khatin ZPCC mawhsak mahmah taleh Tedim kuamah Beenglo in um cih dekdek ta cih thu zong kiza hi.

SAC tawh kipawl hi cihna-in ZPCC/Eastern Command hong mawhsak tengin kum2008 thukhun nuaiah kitelna min sa zian pia diamdiam uh ahih manin lam dang kisa mahmah hi. Zomi Political Coordination Council ZPCC in Zogam sungah SAC gamtatna leh paidan khinkhai-in Kawl kumpi luhekzia leh tatdan pen theihsa ahih manin tua hangin Zomi Movement ading minam makai ten Kawl mangthu akpi-in phiat nelh a cih bangin cik mahin ki muang zo nawnlo ahihna tel takin gen uh hi. CNA te bangin Kawlmang ngian dan zangin gamta nuam uh ahih manin Kawlgam sungah Zomi te mualtung mite tawh pum khatin deihna siksan in kipai pih ngiatngiat uh ci hi.

Zomi sungah minam kiveisak leh cik mahin theih ngeiloh tengin ZCD peuh gensia uh a, nawl khin nuam bangin gamta in thu gen duakduak thei uh hi. ZCD in tu’ ni ciang SAC kawl galkap register ngahsak loh hangin lung buai leh lung hi mawhna na in ki nei peuh mah lo ahihna makai ten gen khia hi. Zomi makai te kipawlna ZCD lelin a ngah loh hangin asem ding makai leh ami te a dam lai siah tua kipawlna hong phiat sak hangin sii cih bang kammal ciang tawh politics နိုင်ငံရေး sem thei kisa bangin thu gen duakduak pen zum huai ahih lam uh kitel lo cii bilbel hi.

ZCD pawlmi leh makai khempeuh in ZCD in kibeisak hi, a cih kei nak leh Zomi leh gam ading ZCD sungah nasem te adam lai Zomi te khangsawn i dam lai siah sii cih kammal khawng thumuh vailo sa mahmah uhhi. Kawl kumpi in a deih hunte ngahsak, a deih loh hunte lemsak lo, kitelna khawng thuman hituan lo na pi ameu hi thei sak lel ahih manin amau deih bangbang a zui nuam khempeuh in kun khiangkhiangin abelh kul ahi hi. NLD leh SAC amau innkuan sung buaina ah mi kisai lo tampi in nuntakna beilawh uh ahih manin hih makai te Kawl te vive mah , NUG zong NLD pana hong peng khia , Democracy deih taktak ahih leh nampi lungsim pua in kawl ngian lungsim teng apaih khiat ding thupi ahi hi. Tua hang mahin AA ten cik mahin Kawlte bel lo uh a, ZCD hun lai-in Zomi te zong ki muang tuan lo hi.

Zomi Political Coordination Council ZPCC in NUG na ngawn zong thukhun lah neilo, amau policies zong a om nailo khat pen pawlpih nuam ngiat lo pah cih thu hi. NUG in abeisa hunin ZPCC tawh kimuh ding zoom panin tam veipi sam mah leh amau pai nopna leh Zomi te ZPCC deihna pen hong thupi sak lo pah malam ahih manin tua hangin kibel tuan lo hi. NUG zong beisa hun sangin amau sungah corruption tuamtuam hangin thanem in kiam lamah hong dauta uh hi.

Zomi khempeuh in kum khat sungin SAC kawlmang puk ding cih lametna te pai khia in tu’ leh mai lamah Zomi khempeuh in ZPCC/ZRAEC tawh thasan in Zogambup ah kithutuak mahmah leng Malaysia Khawmpi thute siksan in Pasian tungah thupha kipia khinsa Zomi ten i zuih siam leh Zogam pen kuamah in nek zawh pakpak ding hilo ahihna kimu semsem uh hi. Zomi Political Coordination Council ZPCC in kum5 huam sungah hong gensia media leh tuamtuam ah hong do nop manin thu tuamtuam tawh hong buaisak nuam a kinei te gamtatna te hong beibei ding a, tu’ in ZPCC maban khempeuh kisemsem suak lel uh cih genkhia hi.

Zogam Charter tawh kalsuanna sisan tawh kilei minam leh gam ading nasepna khempeuh mawkna suak lo ding uh hi. Eastern Command zong haksa taleh abeisa hunte sangin gamtatna leh minam leh gam ading nasepna khempeuh hong thahat semsem ding uh hi. Khasim in Zomi Political Coordination Council ZPCC kikhak den ahih manin ZPCC leh ZRAEC zong abeisa hunte sangin thukhat peuhpeuh hong kipum khat semsem zawllai ding uh hi. Zomi mipi galkap mang Pu Min Thang leh ZPCC CFO pan Pu Go Sawm te in bukmun khan ding kipanpan ta cih nautang khatin gen hi.

Thang Suan Mung CDF in zuauthu leh lam tuamtuam tawh khua sung mite ading haksatna bawl zelzel uh hi. Tonzang leh Ciikha lamzikpi zong ki Eastern Command sawtpi pekin lampi kipai sak thei a, kikhak cih genkhia lo hi. Thang Suan Mung CDF in Benglo nasem te ading paisuk apitoh khak tanin sum ngen kawikawi a, ZRAEC te October 5,2025 kiim in Mualkawi Zomi galkap phual kap den ahih manin hite pen kimai sak nawnlo ding uh hi. Zomi ten thukhualna tawh abeisa CNA khemsa gamtatna teng mah hong zat sawm lai leh Zomi Revolutionary Army Eastern Command ZRAEC in kuamah ki dop khoih nawnlo ding uh ci hi. Thang Suan Mung CDF khemsa tawh naupang teng zong gen thei mahmah uh ci hi, man sungah ki et ciangin naupang mahmah uh a, Zomi hong kem mipi galkap peuh Drone tawh hong kap zel pen ahunte Hamsa leh Israel phukilakdan phawk ni’ ci-in galkap khatin vaikhak uh hi.

Pasian thuoha tawh sawt loin ZCD birthday hong tung ding ahih manin Mualtung mi kioawlna makaipi te kihel ding cih zong kiza hi. Zomi hong mualsuah leh tu’ ni ciang minam ading haksatna thuak in policy khah loin minam adinkip pih tawntung ZCD in pawi kham ding uh hi. Kum 37 hun sungah thu tampi om ding a, mailam ah zong Zogam leh Zomi ading nasem khempeuh Topa’n hong tonpih ding cih thupha kipaih tawntung hi.

www.zbc.news

#Correspondent#ZCD#ZPCC#