——————————

ZPCC/ZRA EASTERN COMMAND

ZOGAM CHARTER (ZIC2019)

(Khasum kipia ta ding ZPCC/ZRAEC Zogam Galkap te)

Zogam leitangah tungah khuapi tuamtuam leh khua tuamtuam panin tu’ kum ZOMI NAM NI thupi takin kibawl sawm ahih manin kum dangte sangin minam

itna leh minam Identity kitel cianna pen Zogam sungah hong khang mahmah ahih manin Pasian Zomite deihna leh minam itna Zomi State ahih kei leh Zomi Federation lungtupna hong mual suah nading hun nai semsem ci-in makai ten mu khia hi. ZPCC/ZRAEC kalsuanna leh maban in Zogam Charter tawh kilam leh Zogam Kallak Kivaipuak na sungah Zomite maban sep dingin lawp huai mahmah cih thu gen khia hi.

ZOMI POLITICAL COORDINATION COUNCIL ZPCC in ama Department sungah sep theih nading mun om lai teng zong nasem thei ding khangthak pilna siamna a nei te hong kipiak khiatna hangin panmun kimah nasem ding kician khinta cih thu kiza hi. Zomi Numei Kipawlna ZWV Corps in abeisa hunin ZPCC nuai panin Bylaws tawh kalsuan theih nadingin thukhun kician a ngah khit akipan Zomi Women Volunteer Corps ZWV Corps pan mun sehna leh mai lam kalsuan zia ding numei pasal vai puak zong pan mun kim seh thei ta ci hi. Pi Cingbawi-in Lamka panin ZWV Corps Secretary munah hong sem thei a, a tung leh anuai ah sep pih ding teng tawh emergency meeting sam dingin han ciamna nei uh cih thu kiza hi.

Zomi Political Coordination Council ZPCC/EC sepna leh Zogam Kallak vaipuak na sungah Zomi Galkap te khempeuh tungah khasum cih min vawh ahi kei zongin Zomi leh Zogam ading kipia khia in nuntakna luang kham in gal leh sa maiah Zogam akembit ding Zomi Revolutionary Army Eastern Command ZRAEC te’ tungah khasum danin niangtui man ding kha lawh minpua piak zawh nading gelna hanciamna nei uh cih thu galkap mangte khat in gen khia hi. Zomi Revolutionary Army Eastern Command ZRAEC sungah mimal galkap kician hihna leh hun beisa te’ sangin minam ading akipiakna tungah cihtakna leh thumanna tawh galkap na semin etteh huai galkap hih semsem ding deihna tawh Zogam kumpi kilam nadingin hite khempeuh hoih takin ZPCC/ZRAEC in Zomi zumpi panin gen khiatna kiza hi.

Zogam khuapi Ciikha Township ah ZOMI NAM NI FEB 20, 2026 ciangin Zogam Vaihawmpawl in ZPCC/EC tawh khut kilenin na aem khawmin kibawl ding uh ahi hi. Hih pawipi sungah Zomi khempeuh a kihel thei ding leh a kihel nuam khempeuh in ZPCC Department of Zogam Vaihawmpawl tungah zak sak baih ding kisam kha thei ding hi. Tu’ kum Zomi National Day pen Zomite ngeina leh tuamtuam kilhna leh kidemna om ding ahih manin siamna tuamtuam kidemna panin gualzo te pahtawina pen Zomite sungah mihau te leh ZPCC/EC in zong pia khawm ding cih thu miki cian khat tung panin kiza khia hi.

Zomi Revolutionary Army Eastern Command ZRAEC in galkap sungah et cianna leh kipuah phatna te khauh takin pai pih thei ding cih pen kiza hi. Hun beisa te bangin mikhempeuh zong lutthsi tuan lo ding uh a, a kut khempeuh zong sem thei tuan lo ding hi. ZPCC/ZRAEC in Zogam Charter thumeilet tawh kituak in kalsuanna ah Bylaws of Council bawl khinta ahih manin Zomi leh Zogam sungah tupna kician neilo te bangin min leh puam deihna tawh nasem ciang ahih lohna kimu thei ci hi. Hun beisa sungah kum 2021 akipan minam sungah emotional ciang tawh minam min paulap in nasem thautawi leh sum zong tampi om a, Zomi sungah mimal thuakna leh thau muk ngatin mipi tungah gamtatna tuamtuam te zong ZPCC/ZRAEC zumpi tungah thukan ten puak uh ci hi.

Zomi makai te’n lungduai takin a thuakna leh min daisakna tuamtuam te akipan pau se loin a thuakna te Pasian thuhsak ding lam etna tawh a ngak te hun kikhel in tua bangin gamta khempeuh beibei lam suak hi. Kum 2026 ZOMI NAM NI pen Zomi te’n leitung gam tuamtuam panin kibawl ding ahih manin sawt loin Zogam khuapi panin Zomi Nam Ni live tawh kituak-en thei dingin kihan ciam ci hi. Zomi International Khawmpi kum2019 mipi thukimna leh Zogam Charter siksan in Zogam Kallaak Kivaipuak nasepna maban i tupna i tun kuan ciangin Dawite in hong nawk nuam den ahih manin hih bangin Dawi mizat minam hong tok nawi thei amau mimal deihna tawh makai te thuhilh a sawm mimal khat leh nih te om nawn loh nading Zomite pilvangin thasan in han ciam khawm dingin gen khia hi.

KHUAPI CIKHA ZOGAM AH kibawl ding ZOMI NAM NI pawi ah zinmang zong mun tuamtuam panin kihel dinga, tua laiah Zomi Women Volunteer Corps ZWV Corps panin Secretary leh makai tuamtuam kipawlna in paikhawm ding cih thu Zogam Vaihawmpawl makai kician tung khat panin kiza khia hi. Zomi National Day 2026 pen kum dangte’ sangin a tuam deuh takin kibawl dan ahihleh Ngeina tuamtuam lahkhiatna leh tukpeng siam kimawlna cih bangin kidem nam tampi om sak ahih manin makai avai hawm leh a gen te khempeuh tungah Zomi khempeub hamphatna suak hi. Thugenna makai tuamtuam panin kibawl ding a, ZPCC/ZRAEC in zong Zogam Charter dinpihna leh Zomite masuan ding hanciamna te mipi tungah zuun khopna te kilawm bang gen mai thei ding uh ci kiza hi.

ZOMI NAM NI FEB 20, /026

Zogam Khuapi Cikha(Zogam Vaihawmpawl makaihna)

ZPCC/ZRAEC

www.zbc.news

#Correspondent#ZOMINAMNI#ZPCC/ZRAEC#