ZOMI BEI NADING NASEM CNA

———————————————

ZPCC/ZRAEC

(Zogam Charter)

Zogam sungah SAC leh NLD in thuneihna hong kituh ciangin kitelna election vaiah NLD in metang gukna panin buai na hong kipan khia, CNA in tua hun lai-in NLD tungpan in hamphatna a ngah nading deihna tawh Zogam leh Khalkha kuam lamah han ciam mahmah uhhi. Hih makai te’ sep sungin NLD thuneihna sungah Zomi te’n i hamphat zah ding khempeuh kingah loin Khalkha lamin hong vompi sahawm bangin amau lamah na zek khia ziahziah uh hi. Hih bang hin lai-in ZCD amau party tungtawn a ngah uh hamphatna leh amau sep theihna ciangah hong sep khiat te ki hamphat lawh bek ahi hi.

Khalkha CNA te’ sepna peuhpeuh buaina leh minam unau kikap na ngawn a ki that sak ngam zahin ngaihsutna hoih lo a sem ngiat te uh ahi hi. NLD leh SAC hong buai ciangin CNA leh apawl teng koi lamah a mit suan ding cih thei lo uh a, NUG huih lak kumpi tawh kum nih sung ciang hong kipei kei uh a, tua sungah thauvui leh sum leh pai teng CNA mah liak tum khin zel hi. CNA khemna nuai panin NLD galkap minpua mipi galkap kicii Zogam sungah thautawi teng khempeuh Zomi Revolutionary Army Eastern Command ZRAEC sim loh CNA nekpheh kaih in om teng ahi hi.

CNA nakpheh kaihna nuaiah hong diangkhia thautawi kipawlna tuamtuam tengin hi bang ahi hi.

NLD galkap Battalion ZFU/PDF- Zoland

NLD galkap Battalion CNF/CDM-Siyin

NLD galkap Battalion CNF/PDA-Tedim

NLD galkap Battalion CNF/CDF-Tonzang

Khalkha CNA ahih leh tu’ in SAC tawh kikemna bawl kik ziau uh ahih manin langkhat ah a pattah tengtaawh ki muan lahna tam semsem ta hi. NLD galkap Battalion makai asem ngei CNA in hih thautawi teng tungah ZPCC/ZRA Eastern Command pen zuau bekbek tawh na muam uh ahih manin hih a tunga tengin Zomi galkap leh a laizom Zomi sisan hong it peuh mah lo hi. CNA khemna leh CNA Zogam sungah a sep nopna leh thuneihna a luah theih nading hanciamna a lungtup pen Zomi Political Coordination Council ZPCC in maban sem dingin Zogam Charter (Zogam Thu Tangko) hawm khia ding kipan laitak in Pu Moses Kim Tuang pen CNA pattah teng tawh a sa hong nek sak ngam zen uh hi.

Zogam sungah Thautawi mihing sa ne a kiciam teh CNA leh NLD galkap battalion teng tungah thuhkikna pen Pasian in hun a sak ciangin tung veve ding hi. Tua ahih manin Zogam Charter hong sat mit sak nop manin amite hong suam lum a, ahi zongin hih bang nasem te koikoi ah om zongin a tuntun ZPCC/ZRA Eastern Command theih gige ci uh hi. Zomi te ki-itna hong khenkham NLD huu’zap panin Zomi khengkhat hong siattat luat ciangin mul kim huai mahmah din munah om uh hi.

UN in gamgi hong khen ciangin Zomi te’ tenna kikal ah hong bawl ciangin Zomi te India leh Burma in hong khen hi. Hih bangin Zomi te ki om nuam nawnlo ahih manin Zogam sungah gamgi UN in hong bawlsak te British hun lai akipan hong hep khiat sak nading deihna tawh Zomi makai khempeuh kum sawm thum val sim sak leh khang panin Zomi gamkhat a suah theihna dingin na saem tawntung ahi hi. Hih Zomi khempeuh gamkhat suah theih nading lampi-in ZRA/O ahi zongin ZPCC/ZRA EC leh Zomi Party ZNC/ZCD te na ngawnin a sep uh lungkia ngei loin han ciam pen tu’ ni ciang ahi hi.

Zomi khempeuh leitung gam tuamtuam ah kikhen thangin i omna gam panin hong ki ciah sak zenzen leh na gam taktak ding pen tu’ a i gen Zogam leitangh ahi hi. Zogam na ciah nop leh na gam om ding a, na ciah nop kei leh zong Zogam om veve ding hi. Mi pawl khat ten gam nei lo uh a, Israel te’n a gam uh taisan in gam dangah kikhen thangin mah leh Israel gam a sat kik zawhna pen tu’ ni Zomi te din mun tawh ki bang hun ahi hi. Zogam sungah Zomi khempeuh teng khawm in UN in gamgi a khun khempeuh a kiphel nading leh tu’ laitak in Zomi Political Coordination Council ZPCC in kalsuan pih Zogam Charter tungah kilam Zomi khawmpi thukimna siksan in a sep uh maban hong han ciam ding ki ngak lah mahmah uhhi.

www.zbc.news

#Correspondent#Zomi#