THUMAN NA ZON KEILEH NA MAIAH THUSIA IN DAL HI

—————————————————————-

(Mawh lawh tawi( ZPCC/ZRAEC)

ZOMI STATE Zogam sungah minam makai taktak te gensiat lel manin mawh zonna tawh thupi kei uh, bangmah sem zo kei inteh , makai ten sum nesim hi. Makai te mawh sakna leh mawh matna tuamtuam tawh kipawlna bawl thak zel cih pen lam tawp a neilo ding ahih manin THUMAN NA ZON KEILEH NA MAIAH THUSIA IN DAL HI” cih pen phawk gige ta in,! na pianna Nu leh Pa zah tak masa loin mi dang tungah dik tat sawm sese kei-inla kilemna bawl masa lecin na dau pai ding hi.

ZPCC/ZRAEC i cih minam makai te lungduai taktak zia nakhin khai ngei uh hiam,? tu’ ni ciangin amaute mawhsakna leh gensiatna iam khat zong thugenin lai-in atna khat zong kimu nai peuh mah lo uhhi. Kum 2021 panin singnuai thautawi makai leh thautawi khempeuh kammal leh mipi tungah itnna a neih loh zia uh ngaihsun taktak lecin na makai ding mahin kilawm sa na hi ahiam,? cih pen ngaihsut den ding thukhat hi.

Pasian in makai nuam mi khatin mite sawltak a suah phot kul ahih manin tua loin makai panmun ahi zaa’ neihna man hong suah lo ding uh ci hi. ZOGAM CHARTER pom huai leh hih tungtawn in makai te in thu pan sanin Zomite’ ading suahtakna thuneih bukim lampi kisial ahih lam thute na na kan cian keileh na maiah THUSIA IN DAL HI” cih phawk gige ding ahihi. ZPCC/ZRAEC in ahih lohna pi kimawh sakin makai thu a zah tak lo, khang khengkhat te gamtat siatna mawhpuak lel pen ciil lum valh saangin nuam sa zaw uhhi.

Zomo Political Coordination Council ZPCC in mimal khat leh nihte mawhsakna puak lh dingin tuatin ngaihsun zenzen leh tu’ ni a din mun minam makai ahihna man kiam mahmah kha ding uhhi.

Zomi Revolutionary Army Eastern Command ZRAEC in tupna leh ngimna thu saupi khual loin nautang minsiatna leh ki makaih zia ah ngaihsutna in a bat loh thute khawlsan in tawpsan hileh tu’ ni ciang a diin munin khasiat huai munah minam galkap te ki-om kha ding uhhi. ZOMI sungah makai gensia in kipawlna gensia in social media leh huih lakah deih zahzahin mel lak loin Dawimangpa bangin kimuh theih lohin thusiate buaipih khamawkmawk leh ZPCC/ZRAEC in a din mun minam te’ muanna bei ta ding uh hi.

ZPCC/ZRAEC minam sungah buaipih taktak in nam dangte in Zomi sungah thuneihna cih te, Zomite’ tupna leh ngimna suahtakna hong dal gige leh hong nang mite tupna ki buaipih zaw uh ahihi. Zomi sung ciangah buaina tawh khantohna om loin khantohna tak i pai ciangin apua lam tawh kizopna leh thugenna ahihi.

Malaysia KL Khawmpi lawh cing lo hileh maban om lo ding ahi hi, Zomite’ mai lam ding Pasian abei ding deih peuh lo ahi chih pen Kum 2019 Khawmpi-in Zomite’ i meivaak a taangtaang lai ahihi. Zomi namte meivaak mit lo hi, meivak lamah napai leh khua’ziingin hong delh ding ahih manin han ciamin na minam thuleh tupna thute ah kipumkhat theih tuan keileh tua bangin na zuung kikhaa lel dingin minam lakah mimal hamsia kisuak lel hi.

Zogam Charter mit lo ahih manin Zomite mailam meivaak taang suak ahihi. Mawhsakna in nuaisiah zo loin Zogam kuamah tu’ ni ciang thupi tuan kisa kei mahleh minam galkap ZRAEC pen adin munah buukmun kek toto ding suak ta hi. Minam sungah mite’ khemsa in omte in hong do zel a, SAC tawh kipawl uh cih bangin CNA leh pawl tenngin hong kap zel uh a, mawh sakna leh dem nopna namkim minam galkap ten athuak laitakin amaute thuman kisa-in pil kisa in siam kisa in a om laitak uh ahihi. Zingni suak ni khat bek hileh amaute hampha mahmah ding uh ahihi manin Pasian in tua ding deih loin zingni thak hong suak sak zel zaw na hihi.

Minam kalsuanna Thuman theih hunta!

Zogam Charter

Zomi Political Coordination Council ZPCC/EC

http://www.zbc.news

#Correspondent

#everyonefollowers

#everyoneshared

#everyonehighlights

#everyoneloves

#everyonelikeit