KI NEU SEK TUAN KEN’ NA MINAM IN NANG HONG MUANG HI ZRAEC

————————————————————–

(Thahat inla hangsan in ZRAEC-Zogam Charter)

Zomi galkap khempeuh adingin thapiakna leh mipi muanna pen kiam ngeilo ahih manin Zomi Revolutionary Army Eastern Command ZRAEC mimal galkap khempeuh in makai te sawlna leh makaihna nuai ah cii takin thuman in kalsuan in Zomite tupna leh ngimna thute tel cian in hong thasan cih pen mipi-in hong muang mahmah hi. Zomi ZRAEC te’ vangin minam dangten hong phak zawh loh manin Zogam sungah hong kuan zelin hong sim bawl zel ahihi. Zomi galkap khempeuh thupi takin kiciamna bawlin Pasian kammal tungah na khut peek nga in na kiciamna pen mipi muhna ah piciing mahmah leh minam khat kilam nadingin thupi penpen kisa hi.

Zomite adingin galkap kician in na dinna leh na panna hangin thanem kei in, nasep hoih pen sem na hih lam kitel cian in bang hang hiam cih pen Pasian in a innkuan panin ki panin amiipih a it lote kei tawh bang ci-in kipawl thei ding ahi hiam, na ci hi. Zogam Charter sangin thuhoih zaw tawh minam nasem nuam mimal muhna tawh ama kua’ sungah U’keng bangin a kuku te’n nang hong zol kha thei ding hi. Tua ahih manin ZRAEC na hih nak leh na panna munin minam galkap kician taktak na hih manin tu’ hun social media tungah ki thuman sak, Zogam leh Zomi kivei sak mahmah thautawi tuamtuam om a, CNA pattah zong tampi om a, tua khempeuh Zogam Charter in ki theih pih lo ahih manin tu’ ni ciangin a kithei leh amin ngaih penpen in Zomi Revolutionary Army Eastern Command ZRAEC bek mah ki thei ahihi.

Zomi Political Coordination Council ZPCC in mailam kalsuan zia ding i din mun kal thak pen nisim in akal suan den ahihi. ZPCC/ZRAEC kipawlna pawlpi sangin a hoih zaw cih bang om tuan loin khat bek mah kipawlna pawlpi Malaysia KL Khawmpi kum 2019 thukimna thute khempeuh a hih makai ten na zui-in a kal suan pih uh cih pen media panin kician in i zak ahihi. Hih makai kipawlna khengin nasem nuam leh mi deih leh thuneihna a zangnuam kipawlna tampi hong om kha ding hi, abeisa in zong sum leh pai zonna ah ZPCC media in Fund zong a kipat hunin mipi-in kipia nuam mahmah kipiapia zong om uh ci hi. Tua kawmkal leh sum leh pai ah vaisai panmun neitengin thunei nuam in makai te’ sangin vai nopna leh sum piakna tawh thuneihna a deih ciangin ZPCC in fund kaih khopna pen hong kipelh hi.

ZPCC media panin fund kaih khop hun lai-in EC sungah commander mimal pawlkhat tawh kizopna a neih manin tu’ni a ZPCC/ZRAEC lang pang teng a gensia teng a din mun hong kilang khiakhia ahihi. Tawl khat lai-in Sia Pau Khai pen ZIUSA khawmpi lai-in ama ut bangin kipawlna ZDF cih hong phuang khia suamsuam a, sum kaih khopna ah mipi khengkhat in ki muangin pia uh a, a zekna leh zatna thute zong hoih tak pulak ding cih pen mipi tungah taangko khia kei mahleh a zek ten zek khia khinta a, sum ngen kik nuam ten LSSC hun lai bangin cih nading thei loin ki din khawl hiau uhhi.

ZPCC leh ZRAEC pen hong nawk nuam tam mahmah in ahi zongin minam ading mi dik leh mi kician tampi mah i om manin tu’ ni ciangciangin minam galkap te an nek ngawl liang leh kisam cih bangin kuamah om nai sam lo ci hi. Zomi galkap te thupi zia-in hih bang ahihi. Mipi kuamah in nong piak zawh kei uhleh a thuak ding mahin kizo sa ka hi uhhi, nong piak uhleh ko ading bek hi loin note tawh gam sungah miham galkap a sem khawm bangin ki ngaihsun ka hi uh ci hi. Mi dang ten gensia hong zolin hong tha nem sak thei ding om ahih manin tua panin kikem in kisawh kha un cih pen mipi te’ thapiakna leh deihsakna thu ging khia hi.

Zogam Charter theih huai mahmah ahih manin mipi leh galkap kipan hih tupna leh kalsuanna thute a tel zolo tengin kipawlna sungah buai na bawlin sum leh pai zonna leh minam khualna zong a nei nawnlo mi khengkhat om thei ahihi. Tua ahih manin Zogam sungah mipi daihna leh mip hong lungmuang sak ahih minam galkap te mipi hong muangin gam dang panin zong mipi ing tha hong pia semsem hi. Zogam leh Zomi ki veisak pen abeisa hunin hong tam kei mahleh tu’ hun ciangin ZPCC/ZRAEC pen mipi-in a kalsuan dan hoih kisa in ki muang mahmah cihi. Kum beisa hun lai–in mimal thugenna leh mimal hai ciakciak na teng peuh pawl khat ten um kha thei a, tu’ ni a na minam leh na gam ading huhna leh panpihna na neih theih nading Zogam Charter tawh kalsuan ZPCC longal om lo hi.

Mipi-in muang semsem uhhi,

ZPCC/ZRAEC Zogam Charter

www.zbc.news

#correspondent

#everyonefollowers

#everyoneshared

#everyoneloves

#everyonehighlights