HEADQUARTER TEDIM, ZOGAM
————————————————
THUSUAH ZPCC/ZRAEC
Zomi Political Coordination Council ZPCC/ZRAEC

Burma (Myanmar) sungah minam tampi khua’sakna ahih manin gam sungah minam te’ tenna munleh mual zui-in Tualsuak minam tampi ki-om hi. Zomi te zong minam khatin ki ciaptehna UN kipawlna phualpi dongah thusuahna leh laiphahna kinei khin zo ahihi. Kawl kumpi-in Zomi te deihna taktak hong piak pah ding sangin lam tuamtuam tawh gam sungah kimawl zia hong laih kawikawi ahih manin tu’ ni ciangin Zomi makai te leh minam khat hihna hong thusim nading nasep kikhawl peuh mah loin abeisa te’ sangin minam leh gam ading nasep taktak kihat zaw semsem ahihna kimu khia hi.

Zomi State, Tedim khuapi leh Kim leh pam ah Zomi te mun leh mual sungah Zogam Charter hong khengin nasepna leh minam tual niam mite khua’ sakna gen theihna neihsa te vut leh vai suak sak zah dingin singnuai mi thautawi khat peuh om khak leh Zomi te minam makai Zomi Political Coordination Council ZPCC/ZRAEC mi khempeuh theih Kim nadingin manglai, Kawllai leh Zomi tawh thusuahna kician tak in hong tangko khia uhhi.

Zomi International Conference Thukimna omsa khempeuh Zomi te in mai nawt takin kikal suanpih ahih manin Pasian thupha tawh makai te gelna khempeuh a gual zawh semsem nading Zogam Charter manpha takin Zogam Thu Taangko ki-at khia thei pah ahihi. Zomi khempeuh nuam takin Zogam sungah suahtak theihna buucing a pian nading Self Determination tupna leh ngimna tawh ngah zawh nading Zogam Charter tungtawn in kikal suan a, hih Zomi te deihna in Federal Democracy gamte ki-ukna zia bangin Zomi te in koma thu komah in sem in thu neihna kip a pian nading kivai Hawm in ki han ciam ahihi.

Zogam sungah adiak in ZPCC/ZRAEC in kician in a genna ah theih mahmah dingin thusuah a bawlna ah Zomi State, Zogam sungah galvai leh thautawi tuamtuam khempeuh Zogam Charter bangin Zomi Political Coordination ZPCC/ZRAEC kuamah theihpih ahih manin Zogam sungah kuamah kiteul mawhin hong gamtat khak loh ding theihsakna thupiak kholhna bawl khia hi. Gamdang khatpeuh panin ahi zongin nam dang panin hong kitul mawh ahi zongin hih bangin nasepna leh ZPCC/ZRAEC theihpihna om loin a sungah tum kei un, a sungah kitul mawh kei un cih pen tthupiakna ciang bek hi nawn loin kammal sang mahmah tawh thuhilhna hita hi.

Tualsuak mite thuneihna tawh zingvai hawm nadingin Zomi te bek ahih manin nam dang khatpeuh in ahi zongin kipawlna Spriings Revolution tawh minam te dahsakna leh nuai bawl na in UN suahtakna deih gamte tawh kituak het lo ahih manin Zomi Charter sungah bangmah sem kei un Zomi te neihsa et lawm ta kei leh inn leh lo neihsa te hong haltum sak ding leh Paulap tuamtuam zonna in hong neihsak kei un cih pen ZPCC/ZRAEC gen khiatna bawlta hi.

Zomi te khuapi leh Zogam sungah siatna tuamtuam kaangmei a suak dingin kipawlna ahi zongin thapiakna a nei kipawlna khempeuh zong ZPCC/ZRAEC Leitung gam bup thukhen zumpi ah laiphah dingin ahun lapin zasak khia pah hi. SAC in Tedim nong kap uhleh na neih sa khempeuh uh kihal tum ding ci-in gen khiatna zong nei ta hi. Tedim kap dingin tua paulapin sum zonna pan kik zel ding cih lampi tawn ta uh ahih manin Tedim khuapi Kiim velin NLD-PDF teng leh pawl teng mimal zathum Kiim dingin Tedim um cih khinta cih thu kiza beh hi. ZPCC/ZRAEC thusuah bawl khin ta hih manin banglo khat hong pian leh mipi khempeuh in theihsa hong suak ding hi. Khuapi vut leh vai suah manin Burma(Myanmar) in kikhel peuh mah lo dinga, Zomite ading supna leh khitui luanna gentheihna hong kibeh lap maasa pen ding uhhi.

Zomi te khuapi khempeuh leh mun leh mual tengah luah sawmna leh thuneih nopna minam khat leh khat ki nuai siah nopna cih te in gam kilemna masuan peuh mah lo uhhi. Mipi-in zong makai te nasep dan ngak lah Hawm thawh kha thei uhhi, tua bangin sep ziau” theih in kipai thei hileh ZPCC/ZRAEC sep nop khempeuh kum 2030 ma in Zogam in Gamke kician suak khin zo ding hi. Tukpeng na Suih nop aleh na lang te na zawh nading haksak in na hanciam kul a, nang langah kidem pih om ahih manin na Deih zahin zawhna om thei ngeilo hi. Kimawl zia ding tukpeng zuih ding a neih te kimawl sungin a zuih kei a leh kimawl thei lo hi.Tua mah bangin Zomi State in GAMKE kician a din nading thu tampi gelsa neihsa tawh kiton khawmin kisep ciangin (Koma thu komah in vai hawm nung) cihna buukim piang thei pan ahihi.

Zogam I cih pen namdang te nuaisiah theih zong hilo, a sungah spring Revolution Paulap in nasep zong hi thei lo ahih manin Zomi makai ten kum sawm sagih huam sungah asep maban kizom toto ahih manin gah lawh nop ziau na minam sungah ki-om nuam ta ahih manin hih khempeuh in hong sep khialh a, Zomite khuapi leh mipi gentheihna ciangah hong tun sak leh ZPCC?ZRAEC in thu bawlin Leitungbup Thukhen Zum ah khia ding suak ta hi.

Zomi khempeuh in Zogam Charter theih huai semsem dinga tua tungtawn in I minam vai Kihei dan ki tel semsem ding hi. ZPCC/ZRAEC leh makai khempeuh sep in Zomi te’ tenna in Burma(Myanmar) sungah hi a, tua sungah Zomi te in Gamke kician in kilam zawh nading thupi takin paipih ahih manin nam dangten hih thu a theih ciangin nuai siahnop na tawh hong sep loh nading veng leh pam tungah zong theihsakna gen beh hi.

ZPCC/ZRAEC nasep in Federal Democracy kilaam khawm ding deihna tawh tu’ ni a leitungbup kipawlna UN phualpi dongah Zomi Political Coordination ZPCC kumsim in a kisapna bangin minam ading laiphahna kibawl den hi. SAC langdo manin Federal Democracy kilaam zenzen lo ding a, SAC te akipan minam kimin i lam Khawm theih nading deihna in tu’ tanin khat leh khat Daitak in kisem ahihi.

Zomi khuapi leh Zogam kembit
ZPCC/ZRAEC (Zogam Charter)

http://www.zbc.news

correspondent

everyonefollowers

everyoneshared

everyoneloves

everyonehighlights