USA IN KUMPI HOIH LOTE MAT KHIAT SAK

(Kizopna lampi kIzom kikta)

USA kumpi Donald Trump thupiakna tawh hun beisa sungin Venezuela kumpi thuneihna mipi te deihna ciin vom cia zong ngaihsak loin gam sungah gentheihna khang mahmah ahih manin a kumpipa uh akno lakin a bu panin a nupa un nai thum sungin tuah khia ziau uhhi. USA galkap leh CIA in hih mimal thuneihna tawh Kawl gam danin galkap thuneihna alen kip mipi tungah mul kim leh hehpihna nei het loin a sem giapgiap khat ahihna hangin USA huhna tawh mipi te’n han ciam zolo hi mahleh USA in panpih in galkap mangpa USA thukhen zumah thusik bawl dingin thong kikhum hi.

Galkap thuneihna ukna nuai panin mipi te hong suakta in lungdam mahmah uh a, tu’ in USA gam Miami panin Venezuela gamah vanleng lam kal khawlna om loin leng sak kipan ta ci uhhi. Ukna khempeuh a lencip Nicolas Maduro i cih pen dictatorship makai ahih manin gam sungah hauhna khempeuh ama khut sung panin kivai hawm ahih manin mipi pen genthei in ngeutau mahmah ahihi. USA a beisa kimat khit ma ciangciang kizopna khempeuh khak tan ahih manin mipi gen thei-in a gam sungah haksatna lianpi hong tung ahih manin suahtakna makai mipi deihna tawh ki-ukna makai te USA panpihnna tawh hong lawh cingin mipi te suak ta in Democracy ki-ukna tawh a gam sungah mipi kalsuan ta hi.

Venezuela gam sungah USA in nai thum sungin thakhat in galkap mang kicii a ciak lualua Nicolas Maduro ki cii pen olno takin tuah khia pak hi. CIA pen leitung gamkhempeuh ah kizelin na sem ahih manin tu’ ni ciangciang USA in a sep nopna gam peuhpeuh haksa lua in ngaihsun lo uhhi. Venezuela hong puk ciangin Burma ciangah zong meituii akipan leh mawtaw an te kisam in buaina lianpi gam tuamtuam a diak in galkap ukna gam tengin nek loh buan lawh dikdek uhhi. Iran gam din munah gam tuamtuam in haksatna thuak mahmah a, meituii buaina gam neu tengah hong lian mahmah hi. Iran gam din munah galkap thuneihna tawh kum sawm sagih sungah mipi pen dawm het loin a langpang omleh sihna thuak sak ahih kei leh thong sungah Kawl kumpi danin mah a sih dong a khum giap te uh ahihi.

USA gamah Iran gammi teng a sim ki-om a, tua khempeuh kipawl siamin a gamah suahtakna mipi deihna tawh ki-ukna galkap khut sungpan in suahtak nadingin USA in panin tuii kulh tengah kikhak tan uhhi. Iran in USA tuitung lampi teng khak taanin sem masa a, USA in a khang panin nuam tak ahihleh ci-in koi mah pai khiat theih loh nadingin na khak taan giap ahih manin Iran gam sungah an nek tui dawn haksa in Aktuii taangh khat in US Dollar 10 man zahin kah to ci hi. Galkap thuneihna mipi thuneihna kihel vet lo gam teng gel USA in panpih ahih manin hong puk ziau suak hi. USA kumpi in Iran in a lauhuai mahmah sihna guu puakkham nei thei lo ding cih pen khahsuah lo uhhi. Tua alau huai penpen puakkham hong nei leh a kiim apaam tengah siatna lianpi hong tun ding a, Iran in USA zong a tou bawl kum sawmli bang pha ahih manin nung diakin USA kumpi in a phualpi teng van tung lam panin zingsang nai nih kiim in B-2 tawh a gik mahmah puakkham khiat hiau uhhi.

Iran leh Venezuela zong galkap ukna thuneihna ahih manin mipi te gen theihna leh gilkialna pen khual hetlo thunei gam te ahihi. Kawl gam zong abeisa hun ah Kawl kumpi ukna tawh kum sawm sagih val kilut a, tua te sangin hih gamte khauh zaw hi lai hi. Aung San Suu Kyi in kilawm danin tawm vei hong makaih sungin mipi te tawm bangin ki ham phat lawh in a ahauh lawh zong om ding uhhi. Gam dang huhna tampi hong lut ahih manin Zomi te ki lem lawh loh hangin pawi lam ten lim lawh mahmah uhhi. USA kumpi in Kawl gam hong huh nuam peuh leh amau ading haksa lo lua uh hi, CIA pen koi mun tengah om khin a, ei lam ten USA huhna i lam et zahin USA in Kawl gamah lem lawh ding tam sa lo ahih manin hih gam nih gel tungah hamphatna tam zaw ahih manin Kawl gam sangin na sep nopna nei zaw uhhi. Hun khat ciangin USA in hong panpih lohin Kawl gam zong galkap ukna pen hong puk pak ding haksa hi,ahih keileh thuneihna kilaihin mipi deihna hong pia ahih kei buang leh China a tawlam panin na dom zel ahih manin mipi leh galkap kikalah buaina om sungin China in a met na nene cih ding hi.

http://www.zbc.news

correspondent

everyonefollowers

everyoneshares

everyonehighlights

everyonelovedit