MANIPUR: CDF-TONZANG CADRE ARRESTED IN CHURACHANDPUR AMID DEADLY CROSS-BORDER ATTACK IN KAMJONG

Indo-Myanmar gamgi dung ah buaina nasia semsem laitak in, CDF-Tonzang galkap khat Churachandpur District, Manipur ah mat in om hi. Tuani mah in, Myanmar gamsung a thau tawi pawlte tawh kithuah in, KNA-Burma thautawi 100 kiim lak Manipur gam sung ah lut in, Kamjong district sung a khua tuamtuamte zing khuavak ma in va luh uh hi.

Assam Rifles-te pan thutut kingah dungzui in, May 7th ni in Zoveng bial lak ah 5th Assam Rifles te’n CDF-Tonzang galkap Lal Thang John kici mankhia uhi. Hih akimanpa pen, CDF-Tonzang galkap kipawlna zom dingin Myanmar gamsung lut hi’n kigen hi.

Security source te’n a genna uah, hiai mimal pen Myanmar gam pan Churachandpur ah a guuk in lut kik a, hiai bial sung a buaina bawl sawmna toh Ukhrul-Litan buaina lam zuan a kalsuan sawm hiding in upmawh huai hi. Search operation (zonkhiatna) neih hun in, security force-te’n ama kiang pan 9mm pistol khat mukhia uhi.

Hiai matna pen, Ningani (Thursday) zingsang kuan a India-Myanmar gamgi dung a om Kamjong district sung a khua tuamtuamte a buaina thak a kipat tawh kituak hi a, hih in gamgi dung a teng mite lungsim ah patauhna leh lau-thawnna lianpi piangsak hi.

Tualsuak mite genna ah, Myanmar gam pan galvan tawi mi 100 kigawm, KNA-B leh Myanmar gam sunga om thautawi kipawlna tuamtuamte hi dinga muanmawhte’n zingsang lam nai 4:00 khawngin gamgi hong kan tan in, Namlee Market, Choro, leh Wanglee khuate lam tuamtuam pan simna nei uh hi, ci-in kigen hi.

Mit a mu (eye witnesses) te’n a gendan un, thautawi te’n Galvan hoih pipi (automatic weapons) zangin mipi lakah thau a kap kap gawp uh hi. Tua khit ciang in inn tamtak mei in hal uh hi. Hih buluh na ah Tangkhul ten a neih a lam tamtak telin inn khempeuh a kisia a, khua-le-tui te laulua leh buai mahmah in mun bitna lam zuan in a taikhia uh hi.

ZBC News

Cikha, Zogam Correspondent