ZOMI STATE, ZOGAM

———————————-

(PA THANG KHAN DAL SIHNA THU)

ZOGAM CHARTER in Zomite bit nading hanciam in Zomite deihna Penlong Federal Democracy ttaangtun zawh nadingin Kawl kumpi thuneihna te bei-in Penlong thukimna mual tung mite tawh laimal gelh khawmin thukimna pen Penlong thukimna ahi tu’ ni ciang kihanciam Federal Democracy deihna ahihi.

Pa Thang Khan Dal pen bang hangin sih ZBC News correspondent kanna leh theihna ciangin NUG/PDF kicii thautawi singnuai mite upmawhna hangin amau khutlum tawh sihna thuak hi. Pa Thang Khan Dal in siatna kumpi tungah singnuai mite a ding bawl peuh mah lo ahih manin tua hang mahin sii ngamleh thuak suak hi. Pa Thang Khan Dal mi hau khat ahihna hangin NUG/PDF kicii singnuai thautawi Zomite in kum 2021 panin kum 2026 kikal ah sum leh pai aneite tungah laipia in a nget zelna hangin mipi-in gen khia nuam loin a thuak phot uh ci hi.

NUG/PDF singnuai mite thautawi Zomite lakah Greenland Godeon in Facebook profile panin tangko khia khin a, up mawhna tawh Kawl kumpi tungah thupuakpuak te ki dawm nawn lo ding cih tangko khiat zawh kal khat khit ciangin Pa Thang Khan Dal in sihna tuak hi. Bang thupuak cih pen Pa Thang Khan Dal in kisuanna nei peuh mah lo ci-in NUG/PDF kicii Zomite lakah thautawi ten genna nei ci hi. Sihna tuak khit nungah paulap tawh mipi tungah mai sel ding kipan ahih manin NUG/PDF thapia lakah zong khat leh khat ki muh khelhna sang mahmah ta ci hi.

Burma(Myanmar) gam buaina leh thuneihna kituh ciangin hih singnuai mite tupna taktak in State Administration Council (SAC) thuneihna bei ding cih tupna tawh kipan ahih manin a nungah mun tuamtuam ah buaina bawl tam mahmah ci hi.

Zomite’ lakah NUG/PDF singnuai mite zong a tupna taktak pen State Administration Council (SAC) zunglot ding tupna leh hanciamna ahih manin CJDC Khalkha makaihna nuai panin a diangkhia uh ahihi. Kum 2026 lam ciangin singnuaimi NUG/PDF ten Zogam sungah minam vai khawng mawh puak nei bangin Target uh khekin SAC puk nading sangin Zomite zingvai hawm ding cih tawh kikhem kik zel uh ci hi.

Zomi State, Myanmar sungah Federal gamke kician khat suah nading tupna pen kum tampi pai khin a, tua thute mah Zomi Political Coordination Council ZPCC/ZRAEC in Zogam Charter(Zogam Thu Tangko) bek tawh mipi hong makaih uhhi. Hih Malaysia KL Khawmpi International in Zomite mailam ding kalsuanna khempeuh kiim takin puah toto in Zomite khuapi leh Zogam sungah mipi te bit nading mawhpuak leh thuneihna aneih uh tungtawn in Tedim khuapi CJDC makaihna panin kidal ahihi. Khuapi tuamtuam leh khua tuamtuam zong CJDC makaihna tawh Zogam hong suubuai om khak ngeingei leh kua kipawlna leh makaihna cih om loin Zomi Revolutionary Army Eastern Command ZRAEC in operation hong bawl ding thupiaksa uh ahi cih statement zui-in kimu hi.

Pa Thang Khan Dal sihna ZBC News in Evidence muh theih pen NUG/PDF singnuaimi thautawi te tung panin kingah a, amaute lakah khatin sihna apiak ding deih lo cih thugen hi. Greenland Gideon in tangko sa ahih manin khat leh khat kikal ah thu namgim om mel lo ci hi. Kum 2021 panin State Administration Council (SAC) zunglotin ukna thuneihna bei ding ahan ciam NUG/PDF singnuaimi thautawi Zomite khut ma sungah sihna tuak Pu Moses Kim Tuang, Pa Sumpi, Pa Dal cih bangin tangthu om ahih manin Zomite daihna om theih nading mipi-in ZPCC/ZRAEC policy lotawh Zomite bang mah tangtun lo ding cih muhna hangin Zomite theihpih lo kipawlna Zogam Charter in pom ngeilo ci hi.

Read more news/ information

www.zbc.news

#Correspondent

#