(SAC PUK NADING AHIHLEH TEDIM SANGIN KHUAPI LIAN TAM ZAW HI)
(Tualsung mite in Tedim hong dalpih un cih kikona aw’)
April 26,2026

Tu’hun ciangin kikapna leh khuapi te vut leh vai suahna hangin gam khat peuhpeuh ah kilemna mipi deihna a pian ding sangin buaina leh supna te in mipi leh gamah zawnna kum kivei-in hun hong bei to ding ci hi. Kilemna taktak in kilemna tawh kihona daihna tawh kilemna leh thungetna pen a nungta Pasian a bia te ading tua bek mah kisam penpen ahihi. NUG PDF tupna in SAC thuneihna zungphuk ding cih pen a tupna hi a, kha thum sungin Burma gam mipi deihna suah ding agel uh tu’ tan hong kai suak hi. Khutmee thum lahna zong hongkiam in Kawl mite mahmah zong PDF ki-ap hong tam semsem uhhi. Kum 2021 kipan SAC ukna thuneihna hong luah a kipan Kawl mite muan huai lah lo mah hi ven , tua hun a kam kek ziahziah tengin koi lamah om ta cih kikan zo nawnlo uhhi.

NUG galkap PDF tuamtuam in a tupna ahihleh khuapi te kapzaan leng Kawl kumpi thuneihna hong bei cih tupna tawh mipi tungah sum leh pai zonna leh mipi neihsa inn leh lo vut leh vai suakin tua khempeuh a man khit ciangin i lam kik ding hi, cih tawh mipi khengkhat tungah panpihna thugen uhhi. Tu’ hun leh tu’lai tak ciang din munah khuapi tampi tak kizaan khin a bang hangin SAC in suahtakna pia lo hiam, ahih keileh tua Kawl kumpi SAC mahmah thuneihna bei lo hiam cih pen mipi muhna pilvang takin ngaihsut huai mahmah din mun hita hi.

Zomi makai ZPCC/ZRAEC in hih thu ah kua in mawh puak lazo ding a, hih khuapi te hong neh om leh kidal in kisul zuih ding cih pen thupiakna lai hong suah khin uhhi. Tedim khuapi kikap zaan ding tu’ phingphing in mipi in khentat zo nawnlo hi, a hangin sihna leh supna gentheihna lian lua ding ahih manin CC CB leh CNA khut nuai ah zingvai hawmna pen Zomite supna lianpi a suah loh nadingin Zomi PDF te bang innpi ah i Zomi galkap tetawh kikhut kilen in om ding hun hong suak hi. Mi dangten i gam hong zial sak leh nang tektek inn leh lo te kaangmei suakin i mipih khempeuh in Tedim nusia dinga, kuamah in zuan kik nuam nawn loin khasiatna huai mitkha ah mang mawh dingin kilut kik nuam peuh mah nawn lo ding cih pen mipi muhna hong khang ta hi.

CNA ahihleh pau khol loin CC leh CB tungtawn in zingvai hawm ahih manin Khalkha pen hong dal mah bangin kap ding peuh mah kam hong kek sak lo ding uhhi. Amau tawh kipawl PDF kicii SAC zungphuk ding tupna nei teng amau thuneihna nuaiah om ahih manin kolbulh a suak khin hi. Zomi thautawi PDF tengin limtak ngaihsun uh hen, khuapi n akapsa teng beek uh luahin kem thei hile uh cin khiatna deihna om thei pan hi. Tua khuapi nakap sa tenguh lauh zo loin sihna leh liamma tawh ki dim Zomi te a kipan nam dangte tu’ hun Lusei Mizoram zatopi lamah ki dim phitphet uh ci hi. Hih bangin SAC puk nading taktak ahihleh Tedim khuapi sangin khuapi lianzaw mun tampi ah om hi.

Kum nga sungah khuapi bang zah kisia in kilaam kik a, tua siatna te hangin SAC thuneihna bang ciang hiam cih pen kkhinkhai huai mahmah ta hi. Gam dangah pemta tengin i gam kikhel nading ahihleh inn sia losia phamawh lo hong cih san lel uh hi. A taktak leitangh ngak ko mipi leh mi gen theih khempeuh thuakna nong et kawm masak ding uh thupi ci hi. SAC in kum sawm sagih sungah hong ukna sangin CNA in hong bawlsiatna leh sum leh pai a kaih khopna Zomi te ki thuak zaw ahih manin tu’ ni in CC peuh vai hawmna khawng thupi ngaihsut kei un Tedim khuapi ZRAEC a dal leh PDF in zong a dal pih pah dinga, ki ngawng kawi-in ki naam in Topa maiah minam leh gam ading nasem khawm unau hong suah ding lampi hizaw ci hi.

Zogam Charter hong khak taan sak nop manin CNA in Zomi sungah sum leh pai tampi bei-in hong khen thang hi a, CNA huu zap ciang muangin a kipan thautawi tengin a khan lawh pak kei leh CNA khemna Zomi pu leh pa ten a tel sitset khitsa ahih manin leituan lecin sak ding a, van lam en lecin sang ding hi acih hong tung pel mawh ding hi. CNA makaihna nuai ah awk kha Zomi te mimal in taikhiat sangin a hon alom in taikhia in i minam galkap phualpi ah ki-ap ziau leng buaina om lo ding hi. SAC thuneihna bei nading taktak Kawl mite khempeuh 90% bangin khuapi khempeuh zaan vui zahin hong ki nuai taktak kei uhleh cik mahin Democracy ahi nailo SAC mahmah thuneihna bei pak lo ding na hihi. Kawl mite khempeuh hong ki-pan suak vet leh tu’ ni a Falam cih leh thantalang, Tedim te i nawk sese zong kul loin thuneihna a bei uh lel hi.

Malaysia KL Khawmpi Zomi te ading hong thanglua ahih manin Zomi te sung bekah kizel loin pawi te na ngawn na om thei lo zahin Zomi Movement in hong thahat ciangin pawi ten bangci danin Zomite hong khen kham ding cih pen biakna pawlpi sum khempeuh zek ngam zahin nasem ahih manin a hun ciangin a ngah at kik ciangin ki heh pih thei lo ding hi. Pasian in ama sum pen mite siatna leh kitot nadingin deih peuh mah lo a, ama lamah Kha mangthang te a kaih nading bekin zat ding mi cii mawh te huhna leh panpihna bekin zat ding a deih Pasian ahih manin hite nasepna guu tawh ki ssawh khak loh nading Zomi te kikhen khiat hun ta ahihi.

Zomi khempeuh in Tedim khuapi kap ding deih lo banah PDF panpih tengin zong kap taak sa nawnlo uhhi. Tua ahih manin CC te ciang vai hawmna tawh Tedim kap ding agel leh PDF Zomi teng pilvang takin ZRAEC action a lak khak leh et tetawh ma pang khawm in kap ding phal kei in siatnna leh mawhna mite khasiatna na pua zo kei ding hi cih pen mipi muhna leh tualsung mite khasiatna deihna ZBC News correspondent in hong kai khawm hi.

ZPCC in thusuah a bawl khitna leh ZRAEC in Tedim khuapi mite gen theihna leh thuak dan ding amuhsa uh ahih manin phal het loin a hih theihzahin kiim kual ah hong vak ding uh pen mipi in um mawh ta ci hi. Zomi khempeuh aaw Tedim kapzaan hun hi nawnlo hi, SAC kuamah ki deih peuh mah kei ahi zongin thuneih khat in a om zawh nading Pasian gelna khat zong ahih manin thungetna tawh kumpi hoih leh gam ki-ukna hong suah nading thautawi tengin minam galkap ZRAEC tawh khut kilen ta ni’ cih mipi-in duh ngaungau ta hi.

http://www.zbc.news

everyonefollowers

everyoneshared

correspondent

everyonelovedit