GAM BUAINA SIHPIH THEI DING

—————————————————

(CNA KHALKHA TE KAMPHA THEI)

Zogam sungah Zomi State hong suah nadingin lampi thak tawnin ZPCC/ZRAEC in kalsuan lai takin a diak in CNA in amau khuttawh hong sep lian loh hangin Zomi State sung panin mite mah zangin eite hong ki buai sak uh cih theih ahihi. Tua ahih manin Zomi makai te tungah taiso liang loin ZPCC/EC pen a deih bangin sawk thei lo cih pen kimu khia hi, a hangin CNA in a hun laptakin Kawl kumpi tawh kilemna hong bawl pak mawk hi. Hih kikemna hong bawl laitak in PDF leh CDF tuamtuam te Falam leh Thantlang khua te kikap san lai tak ahihi. SAC kumpi zunglot dingin kha thum sung a cih laitak in kum khat pai to a, tua sungin Khalkha CNA pen Kawl kumpi tawh kikap loin kilemna bawl dihdih cih pen Alliance kipawlpih teng mit hum sak zo manmah uhhi.

Kum 2022 huam sungah kumpi zo dingin a ngap mahmah laitak uh hun ahihi. Tua sung mahin CNA in Kawl kumpi tawh kikapna om lo dingin kilemna hong bawl san cih mawk pen tu’ a din mun tung ding zolo ding cih pen mu thei pah hi. NUG /PDF kikal nasep masuan pen SAC puk peuh mah lo ding ahih teh Khalkha CNA panin direct in SAC tawh kikap loin CC cih peuh CB cih peuh panin metna sem kik uhhi. Tua sung mahin CNA cih sangin CC or CB panin amau bawl tawm kipawlna interim government cih peuh tawh PDF leh CDF teng kimawl pih uh a, tu’ hun ciangin CNA cih pen kilemna bawl khin a, CC CB cih teng pen hong saval ding suak pian ta hi.

ZPCC te’ thusuahna kum 2021 panin 2026 ciang Media Live ah CNA kimawlna hangin khem thuak leh a khem zawh Zomi teng khawl nading leh kipawl loh ding pen limtak a genna uh pen muhsa a piangsa te panin theih thu genna ahihi. Kawl kumpi SAC ngalhat in abeisa tetawh tehna in amun amual tengah kuam hong luah ciangin CNA pen buai nawn loin PDF leh CDF cih teng pen tai nading lampi zong ngai ta ahihi. Tua leh ZPCC in hite thu a gen cianna te hih thautawi ten phawk kha lo uh hiam cih pen kikan ciangin a taktak adeih bangin pai thei lo ding ahih na hangin CNA peuh tawh kum kitul khawm ding zahin muhna ciang aneih man hizaw uh ci hi.

Zomi Revolutionary Army Eastern Command ZRAEC in maban koi bangin tupna paipih cih pen Khalkha ten thei mahmah lel ding uhhi. Khalkha te SAC hong do peuh mah lo ahihna kimu semsem a, metna leh ngah nading lampi tawnin a nakpheh panin CC/CB cih te kai kawikawi ahihi. Khalkha khut sung panin muanna tawh thautawi pawl khat tengin sihna mah tuak pek mawh ding hi. SAC in CNA tungah hite thusim a nget loh phamawh a, CNA min tawh a kap kei zongin galkap ten PDF/CDF cih te om na teng khempeuh SAC tungah thei saka , tua hangin Falam, Thantlang leh mun pawl khatin zo ngeilo hi. CNA pen metna zongin a sim tat hi a, a mite muhna ah SAC langdo a cih hangin kilemna bawlin a sungah gam tang ahihi.

Khalkha khuapi sungah SAC thanem theih nading phualpi masa hi cih pen ki gengen khinsa hi. CNA in tua mun pen sawl masa nuam ngeilo ahih manin mun dang tengah kimawl pih uh ci lel leng aman ahihi. Kawl kumpi thuneihna in Chin/Zomi State panin Khalkha khuapi phungpi pan zingvai hawm khia ahih manin hite puk masa loin aneu puk hangin kilam dang lo hi. Burma(Myanmar) sungu buaina taktak pen khamtung leh minam neu lak tengah buaina minam thuneihna leh gualzawhna cih peuh ki tuh dihdih hong suak ta hi. SAC kap loin ZPCC/EC hong kap pah phot pen mittawh lo buangin CNA leh nak pheh panin akaih tengin hong pil thei sak ding cih pen tun kitel ta hi. Zomi makai te SAC tawh kipawl uh cih lel maimai leh galvan ngah kimu cih tawu zuau nasepna te hong beibei ta hi, up theih nading mahmah kei cih NUG/PDF Zomi te pawl khat zong ahihi.

CNA khalkha te suak ta toto thei dinga nak pheh panin akaih kaih teng ahihleh SAC khut sungah pawl khat si ding a, pawl khat mangthang lel ding hi. Kawl kumpi thuneihna taktak Dr. SaSa kha thum in phuk ding acih khit ciangin Rangon ah guahzu bangin puakkham ki khia ding cih pen tun sawmsawn hi. Zomi PDF tengin kha Thum tawm kua sa hi kha ding hi, kum khat sungin zunglot ding ci leuleu uhhi. Zawhna om theih nading NUG lampi dik khin loin Federal Democracy taktak ading tupna Charter zong bawl ngam lo pen a din mun kitel ta hi. NUG in hun beisa lai-in Zomi Political Coordination Council ZPCC tungah sep khop ding zoom panin a sap masak pen hileh kilawm hi. Muan taktak leh Penlong din gam suahtakna dingin muan huai zo lo cihna amun manin sep khop dingin na sanglo cih pen tu’ laitak din munah om ding cih na khinkhai thei cihna hi.

Read more information

www.zbc.news

#correspondent