ZBC News
Conrrespondent, Zogam
ZPCC thuthak lai hawm sim in copy
—————————————————
ZPCC MEDIA
NEWSLETTER

Tulaitak Zogam Dinmun Theihsakna

1. 2019 kum in, Kuala Lumpur khuapi ah akibawl, Leitungbup Zomite Minam Khawmpi (ZIC2019KL) Thukimna bangin ZRA(EC)
   Zogam Galkapte in Zogam bitna dingin mawhpuak nei a, Myanmar gam ki-ukna tawh kisai in khuahun luanzia tawh kituak in pilvang takin akalsuan ding thu kipia hi. Zogam Charter siksan in ZRA(EC) in Zogam Galkap kician khat hihna tawh, Zogam a bitna ding, khua leh tui akemcing ding in mawhpuak nei hi.
2. ZRA(EC) Zogam Galkapte in, gal leh sa vai tawh kisai Leitungbup thukimna ahi, a Liveina Geneva Convention Thukimna siksan in, khual leh tui sung ah gal phuang in kidona leh kisimna, biak-inn sang leh zatote ah galphual satna, upna leh sandan kibanglo mi ommuang khat mawhsakna leh thahna, numei naupang thaumuk suangin lauthawng sakin, simmawhna, tona, bawlsiatna leh thu piakna cihte a omlohna dingin Zogam khua leh tuite kikemcing hi.
3. Zogam sung ah, ki-ukna tawh kisai thuneihna kituhna, sumlei sumzuakna tawh kisai thuneihna kituhna, mun leh mual sung ah thuneihna kituhna hangin, thautawi kipawlna tuamtuamte in khuapite simin, khuapite sung ah gal kidona ahong phuan uh ciangin, ZRA(EC) Zogam Galkapte in, khut zepin kipal-et theilo ahih manin, Zogam Tedim khuapi, Tonzang khuapi, Cikha khuapi, Khampat khuapi, Pyidawta, khuapite cih Zogam khuapite acing ding, akembit dingin kikhensat hi.
4. Ukna buluh Kawl galkap kumpi do ding cih thu paulap in, Kawl galkap phualpite simlo a, mualdawn gammong a khuate vut leh vai asuah theihna ding ciang vaihawmna tawh, Tedim khuapi sung ah gal aphuang dingin, CNF/CNA Pawigalte makaihna CJDC pawl sung a kipawlkhawm, Zomi gamnuaimi thautawi kipawlna pawl khat hanciam uhhi. Hih gamnuaimi thautawi kipawlnate in, thaumuk ngatin galkap kaikhawm uh a, numei naupang
   MAY 13, 2026
   TEDIM, ZOGAM
   lauthawng sakin, Tedim khuapi a umcih uh ciangin, Kawl galkapte in, khua leh tui sung ah kido ding na sawm uh leh, Tedim khuapi kihal ding hi ci in to uhhi. Tedim khuapi a it peuhmah in, khua leh tui sung ah galkidona a omlohna ding, bitna a omna dingin kem un cih thu a om ciangin, ZRA(EC) Zogam Galkapte in thakhat thu in, Tedim khuapi kikem hi.
5. ZRA(EC) Zogam Galkapte in, Tedim khuapi kem in, bitna leh daihna a om theihna ding hanciamnate, Zomi taangpi taangta in ahong panpih ding in kicial hi. Tha leh ngal, sum leh pai, thungetna tawh hong panpih un ci in, Zogam Galkap Mangpite in pulak hi. Tuaban ah, Zogam sung a khuapite, khuatate sung ah bitna leh daihna a om theihna ding hanciamna khatpeuh ahong panpih, kipawlna khatpeuh, kumpi khatpeuh a om aleh, lungkim takin kisang ding a, ma kipangkhawm ding hi.
6. Abeisa hun a kipan, Cikha khuapi sung ah bitna leh daihna a omna dingin, ZRA(EC) Zogam Galkapte in kikemcing zo a, khua leh tui sung vaite ahawm dingin Zogam ki-ukna kiphut zo hi.
   Tonzang khuapi ahzong bitna leh daihna a om theihna dingin abeisa hun in kikemzo a, Pawigalte in CJDC min tawh Zomite ong simmawh in Zogam hong nuaisiah sawm uh ahih manin, Tonzang khuapi kikem zolophot hi.
7. Tu in, Tonzang khuapi ahzong bitna leh daihna a om theihna ding, Zogam ki-ukna a kiphuh zawhna dingin a kihanciam laitak ahi hi. Zogam bitna ding leh daihna ding, Zogam ki-ukna phuhzawhna dingin hanciamna ah ahong panpih, thuutawi kipawlnate ahi zong, gamdang
   kipawlna khatpeuh ahi zong, kumpi khatpeuh ahi zong, lungdam takin kisang ding a, Zomi taangpi taangta inzong thungetna tawh ahong panpih dingin kilam-en hi.

ZPCC Media Team
Tedim, Zogam

Minam makai ten mipi tungah theihsakna leh thusuah hong hawm khia uhhi. Mipi te in gam sungah buaina thute leh Zomite minam din mun theih huai hi.

read more information
http://www.zbc.news

correspondent